O-løp i jomfrueleg terreng i sauabeite
God start på hausten i Sveio.
Nær-o-løp i seinsommarsol i jomfrueleg terreng i sauabeite blei arrangert tirsdag 21. august av Sveio Orienteringslag.
Meir enn 50 løparar frå Sunnhordland og Nord Rogaland stilte til start på Vandaskog i Sveio i varmande augustsol.
Delar av terrenget under dette arrangementet hadde aldri tidlegare vore nytta til orientering.
Dei fire løypene gjekk i ope og småkupert terreng mellom knausar og små vatn.
Terrenget inviterte til fart slik at mange gjennomførte på raske sluttider. Men det opne småkuperte terrenget gir samtidig o-tekniske utfordringar, som mange fekk erfara med små bommar
.
Kartet over området, som blir kalla Ryvarden-marka, blei lagag då Sveio O-lag arrangerte Vestlandsmeisterskapet for fem år sidan. Men framleis er delar av terrenget og kartet nokså frammnadt for o-løparar.
Kjetil Fiskå og Thomas Førde hadde lagt fire løyper med mange postar etter oppskrifta for eit mellomdistanseløp som dessutan inngår i rankinga for klubbane i Nord Rogaland og for klubbane i Sunnhordland.
(fortsetter under bildet)
A-løypen
